Nin Isku Dayay Inuu Tahriibiyo Dahab Uu Calooshiisa Ku Soo Guray !

Mumbai 20. February 2017 (SDN/QJ):-Dahabku waxa uu ka mid yahay khayraadka ay dawladaha soo saara ilaaliyaan isla markaana aan la ogolayn in si sharci darro ah loo dhoofiyo, haddaba ciidammada Dalka Hindiya ayaa waxay gacanta ku dhigeen nin u dhashay Dalkaasi oo calooshiisa ku soo guray dahab uu tahriibinayo oo uu rabo inuu ku iibiyo Dalka Hindiya isaga oo ka keenay Dahabkaasi Dalka Singapore.

Ninkan ayaa fashilmay kadib markii ciidammada Cashuuraha ee Dalkaasi ay ka shakiyeen qaabka uu u socda isla markiina ay go’aansadeen in la baadho ninkaasi, sidaa awgeedna  waxa laga helay shandadihii uu sitay ku dhawaad 800 Gram oo Dahab ah, intaasi kadibna waxa ay ciidammadaasi baadheen jidhkiisa, waxaana cadaatay in uu calooshiisa ku soo riday Dahab gaadhaya 1.2 Gram.

Ciidammada gacanta ku dhigay ninkan ayaa xaqijiiyay in calooshiisa la baadhay oo laga helay Dahabkaasi, waxaana xuseen in qiimaha Dahabka uu sitay uu noqonayo 87,000 oo Dollar, dhinaca kale Dalka Singapore ayaa dhinaca qiimaha Dahabka kaga jaban dalkaasi Hindiya waana sababta ku kaliftay ninkani inuu jidhkiisa qalo oo uu ku soo guro Dahabkaasi.