Muxuu Sameeyay Libaax Xarun TV la Soo Geliyey oo Dirqi iyo Tu Xun lagaga Badbaadiyey Ilmo Yar? DAAWO

Hargaysa 12.Aug 2016 (SDN/QJ):- Xarun Talefishin oo ku taalla dalka Mexico ayaa lasoo gashay ilmo yar iyo hooyadood, waxaa kaloo loo yeeray kooxda xadiiqada xawayaanaadka oo ayana soo galiyay libaax aan sidaa u waynayn, oo loogu talo galay inuu madadaaliyo dadkii daawanayay iyo qoyskaba.
Arin yaab leh ayaa dhacday, libaaxii ayaa marqudha kusoo booday ilmaha, balse waxaa ka fur furay gabadhii u tabobarnayd. Hooyadii ilmaha dhashay waa amakaagday laakiin waxaa dajiyay qolyihii xadiiqada.
Arintan ayaa waxaa loo soo jeedshay dhaleecayn ballaadhan oo ka timid dadka xuquuqda insaanka oo sheegay in libaax aan tarbiyaddiisa la isku hubin in ilmo loo dhaweeyo.