Mu’ssasada Minhaaj Galdogob oo booqatay deegaano hoos yimaada degmada
Galdogob Jan 28,2015(SDN/QJ)-Mu’assasada Minhaaj ayaa samaysay booqasho dacwadeed oo ay ku tagtay degaano dhawr ah oo degmada hoos yimaada.
Mu,assasada oo ay horkacayeen culumo waawayn ayaa booqatay Deegaanka Daarasalaam kulana kulantay hawlwadeenada Dacwada iyo Tacliinta, sidoo kale Culumada ayaa halkaa ka jeediyey muxaadarooyin.
Isla socodkaas ayey usii gudubtay Mu’assasadu Magaalada Bursaalax oo ah Magaalada labaad ee degmada waxayna Culumadu jeediyeen duruus, waxay kaloo booqdeen dhamaan iskuulada ka furan magaaladaas, halka ay kulan dheer la yeeswheen ducaada degmada.
Isla bishaan Janaayo 2015 ayey mu’assasadu booqatay deegaanka galdhuumood ayadoo ka jawaabaysa codsi uga yimid dadka deegaankaas, waxayna soo xalisay culayskii halkaa ka jiray oo haystay dacwada.
Xafiiska Warfaafinta ee Mu’asasada Al-Minhaaj (Galdogob)