Muqdisho oo aan Xalay Lagy Kala Seexan & Dabaaldegyo waaweyn oo Jidadka Magaaladaasi ay ka Sameeyeen Dadweynuhu

Muqdisho 09. February 2017 (SDN/QJ):-Dabaaldegyo waaweyn oo lagu soo dhoweyayo doorashada Madaxweynaha cusub ee Soomaaliya Maxamed C/llaahi Farmaajo ayaa ka bilowday caasimada Somalia magaalada Muqdisho iyo qeybo kale oo dalka ka mid ah.

 

Rasaas xooggan ayaa magaalada gees ka gees isqabsatay ayaa hawada loo ridayaa taasoo qeyb ka ah dabaaldega socda, iyadoo dadweyne aad u fara badan ay isugu soo baxeen xalay wadooyinka waaweyn ee magaalada.

 

Dadka isugu soo baxay jidadka ayaa waxaa wejiyadooda ka muuqata farxad aan qiyaas laheyn iyagoo ku qeylinaya magaca Farmaajo, waxaana aad u kacsan xaalada magaalada.