Muqdisho iyo Dab Khasaare hantiyeed gaystay oo ka kacay Degmada Wada Jir

Muqdisho 03.Sep 2013 (SDN)- Kooxda dab damiska ee gobolka Banaadir, ciidamada booliska, nabad-sugidda iyo dadka deegaanka oo iskaashanaya ayaa ku guuleystay in ay damiyaan dab  kharsaare hantiyeed geystay oo maanta ka kacay agagaarka safaaradii hore ee Mareykanka degmada Wadajir.
Dabka ayaa burburiyay labo xarumood oo lagu keydin jiray shidaalka, goob lagu sameyn jiray bulukeetiga, dukaamo lagu iibin jiray qalabka dhismaha iyo guryo halkaas ka dhowaa.

Goobjoogayaal ayaa Warbaahinta  u sheegay in uu dabku sababay in ay dhowr qoys ka barakacaan guryahoodii iyo goobahoodii ganacsi, iyagoo ka baxsanaya waxyeellada dabka.

Dabka ayaa sida ay wararku sheegayaan wuxuu ka billowday xarun lagu iibin jiray shidaalka kaddibna wuxuu ku fuday goobihii kale ee ku dhowaa.

Weli ma cadda inta ay dhan tahay hatida uu baab’iyay dabka, waxaana jira dad aan la cayimin tiradooda oo dhaawacyo ay soo gaareen.

Muqdisho SDN.

Qurbejoog.com