Muqdisho Diyaarad Maanta ku dhacday Gegida Diyaaradaha ee Aadan Cade

Muqdisho 06.Sep 2014 (SDN/QJ)- Diyaarad rakaab oo ay leedahay shirkadda diyaaradaha ee shirkadda Jubba Airways aya,ayaa maanta si kadis ah shil ugu gashay  garoonka diyaaradaha Aadan Caddee ee magaalada Muqdisho.

Diyaaraddan oo ka timid magaalada Gaalkacyo ee gobolka Mudug ayaa siday 17-qof oo rakaab ah, iyadoo aanay jirin cid wax ku noqotay shilka diyaaradeed ee ka dhacay garoonka magaalada  Muqdisho.

Shilka diyaaradda ayaa  dhacay xilli ay diyaaradu soo cago dhiganaysay garoonka Adan Cadde ee magaalada Muqdisho,iyadoo lagu sheegay in uu shilku  ka dhashay markii ay soo fadhiisayanaysay diyaaraddu cilad ku timi dhanka taayirada oo u soo bixi waayay kadibna waxaa ay sababtay in ay diyaaradu ka baxdo dhabbaha diyaaradda isla markaana ay dhinac wadada uga baxdo.

Ma jiro wax qasaare ah oo nafeed oo ka dhashay shilka diyaaradeed ee maanta ka dhacay garonka diyaaradaha ee Adan Cadde ee magaalada Muqdisho.

Muqdisho SDN/QJ

contact@qurbejoog.com