Mid Ka Mida Talafishenada Afka Somaaliga Ku Hadla Oo Laga Joojiyay Deegaanada Maamul Goboleedka Jubbaland

Kismaayo,24Aug,2015(QJ/SDN)-Amar kasoo baxay wasaaradda warfaafinta Jubbaland ayaa lagu mamnuucay in Telefishinka Universal uu ka howlgalo gobollada Jubooyinka, iyadoo amarkani uu si toos ah uga soo baxay wasaraadda warfaafinta Jubbaland.

Tv-ga Universal ayuu maamulku ku eedeeyay in uu baahiyay warar been abuur ah, waxaana amarkani shaqada looga joojinayo telefishinka uu yahay mid kasoo baxay qeybta warfaafinta maamulka Jubbaland, sida ay Warbaahinta u xaqiijiyeen madax ka tirsan wasaaraddaasi.

Telefishinkta Universal ayaa waxa uu kamid yahay telefishinnada ku hadla af-Soomaaliga ee ka howlgala deegaanada Jubbaland, iyadoo ay wakiillo u joogaan degmoyinka Kismaayo oo ka tirsan J/hoose iyo Doolow oo ka tirsan Gedo.

Maamulka weli wax faahfaahin ah kama soo saarin sababaha ka danbeeyay, shaqo joojinta lagu sameeyay xafisyadii telefishinka Universal ee deegaanada Jubbaland.