Meeliishaad dad ku laayay Bariga Nijeria

Ganye Mar 25,2013(SDN)-Shan iyo labaatan qof ayaa ku  dhintay weeraro ay dablay hubaysani ku qaadeen Saldhig bilaysku leeyahay iyo  banki magaalada Ganye ee ku taala bariga dalka Nayjeeriya.

Wakaalada wararka  ee france press  ayaa sheegtay, in taliyaha ciidanka Bilayska magaalada Adamawa, Maxamed Ibraahiim uu u sheegay, in  shan iyo labaatanka qof ee weeradaa ku dhintay  ay ku jireen nin bilays ah iyo nin ahaa siyaasi caan ah.

Masuuliyiin kalena waxa ay sheegeen in weerarka xabsiga magaalada Ganye lala beegsaday  ay dablayda weerarka ku soo qaaday xabsiga ka siidaayeen  maxaabiis  aan tiradoodu intay tahay la cayimin.waxaanay intaa raaciyey inaan  la ogayn baanka  la weeraray   inta  lacag ah ee laga qaatay.

Weeraradaa ilaa hadda cidi may sheegan,hase ahaatee masuuliyiinta dalkaasi waxay aaminsan yihiin inay weeraradaa fuliyeen kooxda  falaagada ah ee BOKO Xaraam.

SDN-Ganye

contact@somalidiasporanews.com