Maxkamadda Ugu Saraysa Pakistan oo Soo Saartay Amar Lagu Soo Xidhayo Raysal Wasaarihii Hore ee Pakistan oo Dhagaha ka furaystay 3 Jeer oo loo Yeedhay

Karachi 27. October 2017 (SDN/QJ):- Maxkamada sare ee dalka Pakistaan ayaa soo saartay waaran lagu qabanayo amba lagu xidhayo ra’iisal wasaarihii hore ee dalkaasi Mr: Nawaad Shariif, ka dib markii seddex jeer looga yeedhay maxkamadaasi uu dhagaha ka furaystay.

Hase yeeshee Mr: Nawaad Shariif ayaa ugu eedeysan maxkamada sare ee dalkaasi ku tagri fal hanti umadeed, isagoo xarumo ganacsi ka sameystay dibada gaar ahaan dalka Ingiriiska taas oo sababtay in maxkamada Distoorigu xilkii madxnimo ka xayuubiso bishii Juulay ee sanndkan.

 

Geesta kale, Mr: Nawaad Shariif ayaa waqtigan ku sugan caasimada Ingiriiska, isagoo halkaasi u jooga xaaskiisa oo laga daweynayo xanuunka Kansarka, waxase uu sheegayaa in dacwadiisu tahay been abuur siyaasadaysan.