Maxkamadda Ciidammada Puntland oo Go’aanno kala duwan ka soo saartay Maxaabiis Xidhan DAAWO

Garowe 27.June 2015 (SDN/QJ)-Maxkamadda Ciidammada gobolka Bari ee Maamul-goboleedka Soomaaliyeed ee Puntland, ayaa maanta go’aamisay in Xabsiga laga siiddaayo 17 ka tirsanaa Ciidammada Birmadka Puntland, ka dib markii lagu waayey Kiisas culus, iyagoo hore ugu eedaysnaa inay ku kaceen falal anshax-xumo ah.

Guddoomiyaha Maxkamadda Ciidammada gobollo ka mid ah Maamulka Puntland Cabdifataax Xaaji Aadan, ayaa go’aankaas ku dhawaaqay, waxaanu Saraakiisha Ciidammada Xabsiyada faray in Ciidanka u xidhan anshax-marinta u xidhan lagu ilaaliyo sharcigu sida uu dhigayo oo ah in 43 cisho gudohood lagu horkeeno Maxkamadda, hase-yeeshee haddii ay xilligaas ku dhaafto ay si toosa Maxkamaddu xorriyaddooda ugu celinayso ASKARugu ccelinayso.

Sidoo kale, Guddoomiyaha Maxkamaddu waxa kale oo uu u soo jeediyey Saraakiisha Xabsiyada iyo Laamaha Baadhista dembiyada intaan Maxkamadda loo soo gudbin Maxaabiista in baadhitaanno caafimaad lagu soo sameeyo si loo ogaado xaaladdooda caafimaad inay sax tahay iyo inay wax ka dhiman yihiin.

Guddoomiyaha Maxkamaddu waxa uu dawlad-goboleedka Puntland faray in ay Qareenno u qabato Shan Maxbuus oo ku eedaysan Al-Shabaabnimo oo uu ka mid yahay Abwaan Cabdiwaaxid Cali Gamaddiid oo dhalasho ahaan ka soo jeeda Caasimadda Somaliland ee Hargeysa, kuwaasoo uu Guddoomiyaha Maxkamaddu sheegay inaanay awoodin inay Qareenno difaaca qabsadaan, sidaa awgeedna dawladda laga doonayo inay u qabato Qareenno u dooda