Maxamed Cali Yuusuf oo loo doortay madaxa Midawga Afrika

Addis Ababa (QJ) – Maxamuud Cali Yuusuf, Wasiirka Arrimaha Dibadda Jabuuti, ayaa ku guuleystay doorashada Guddoomiyaha Midowga Afrika (AU) kadib markii codeyn aad loo loolanayay lagu soo gabagabeeyay xarunta Midowga Afrika ee Addis Ababa.

Wuxuu helay 33 cod wareegii toddobaad, isagoo ka guuleystay Raila Odinga, Ra’iisul Wasaarihii hore ee Kenya, kaasoo ku haray wareegii lixaad.
Musharaxiinta kale waxaa ka mid ahaa Richard Randriamandrato, wasiirkii hore ee arrimaha dibadda Madagascar.
Youssouf ayaa bedeli doona Moussa Faki Mahamat oo u dhashay dalka Chad.
Wadamada Laga Reebay Codaynta:
Niger, Mali, Guinea, Gabon, Burkina Faso, iyo Sudan ayaa laga mamnuucay in ay codeeyaan sababo la xiriira afgambi militari iyo colaado socda.
Doorashooyinka kale ee Midowga Afrika:
Eswatini wuxuu ku guuleystey jagada kormeerida beeraha, horumarinta miyiga, dhaqaalaha buluuga ah, iyo deegaanka, isagoo ka adkaaday Congo-Brazzaville.
Koonfur Afrika ayaa heshay 41 cod oo ay ku hogaaminayso xafiiska tamarta iyo kaabayaasha.