Maxaad Ka Taqaanaa Xanuunka Halkii Milyan Ee Qofba Ku Dhaca Qof Kaliya?

Hargaysa 07. February 2017 (SDN/QJ):- Dhakhaatiirta Dalka Britain ayaa waxay xaqiijiyeen xanuun muddo dheer ka jiray Dunida oo aanay cid badani ogeyn oo halkii Milyan ee qof ba ku dhaca Qof kaliya.

Xanuunkan oo la yidhaa BPAN ayaa la ogaaday sanadkii 2016 kii, waana xanuun ku dhaca Maskaxda sidoo kale waxay dhakhaatiirtu sheegeen in xanuunkani aanu ahayn mid la kala qaado ama faafa, balse uu yahay mid uu qofku ku soo dhasho, kaasoo u diidaya in ay xubanaha hoose ee jidhkiisu shaqeeyaan iyo sidoo kale inuu hadalku ku adkaado.

Dhakhatiirta soo bandhigay arrintan ayaa sheegey in aan xanuunkan wali loo hayn Daawo, laakiin waxa lagu Daaweeyaa Dawooyinka Xanuunka Faaliga.