Marxuum Xildhibaan Maxamed Cabdi Xaabsade Oo Maanta Lagu Aasi Doono Baydhabo
Baydhabo:Jan,26,2015(SDN/QJ)-Maanta oo Isniin ah, ayaa waxa lagu wadaa in Magaalada Baydhabo ee Xarunta Gobolka Bay lagu aaso Marxuum Xaabsade oo dhawaan muqdisho ku geeriyooday.
Diyaarad ayaa Meydka ka qaadi doonta garoonka diyaaradaha Aadan Cadde ee magaalada Muqdisho, waxaana sidoo kale magaalada Baydhaba ka socda qaban qaabada aaska Marxuumka.
Xubno ka mid ah Labada Gole dowladda ayaa ka qeyb gali doona aaska Marxuum Xaabsade, iyadoo amaanka guud ee magaalada Baydhaba aad loo adkeeyay.
Xildhibaan Maxamed Ibraahim Xaabsade waxa uu habeen hore ku geeriyooday magaalada Muqdisho, ka dib xanuun maalmo badan oo dhanka neerfaha u badan.
Xildibaan Xaabsade ayaa taariikh fog ku leh Gebi ahaanba Deegaanka Bay, waxana shacabku ay geeridiisa kaga falceliyeen murugo badan iyagoo tacsi galay.
SDN/QJ