Magaalada Kismaayo oo lagu qabtay Kulan Taageero loogu Muujinayo Ra’isal Wasaaraha Cusub ee Somalia

Kismaayo 15.Dec 2013 (SDN)- Kulan lagu taageerayo raysul wasaaraha la magacaabay, Cabdiweli Sheekh Axmed ayaa maanta oo Axad ah lagu qabtay magaalada Kismaayo ee xarunta gobolka Jubbada Hoose.

Kulanka oo ay soo qabanqaabiyeen ururrada haweenka iyo dhallinyarada ee magaalada Kismaayo ayaa lagu soo dhoweeyay raysul wasaaraha cusub.

Khadra Muxumad Cabdulle, Luul Xasan iyo xubno kale oo ka mid ah haweenka Kismaayo oo ka hadlay kulanka ayaa u jeediyay Cabdiweli Sheekh Axmed inuu la yimaado waxqabad, uuna dhiso gole wasiirro oo tayo leh.

Maxamed Nuur Gacmo-dheere oo ka mid ah mas’uuliyiinta degmada Kismaayo ayaa kulanka ka sheegay inay taageersan yihiin raysul wasaaraha cusub.

Haweenka iyo dhallinyarada ka qeyb-galay kulanka ayaa sitay boorar ay ku qornaayeen erayo lagu taageerayo raysul wasaare Cabdiweli Sheekh Axmed.

Kismaayo SDN.

Qurbejoog.com