Madaxweyne Siilaanyo Oo Xil Ka Xayuubin Aan La shaacin Ku Sameeyay Guddoomiye Xigeenkii Gobolka Hawd

Hargeysa – Madaxweynaha Jamhuuriyadda Somaliland Md. Axmed Maxamed Maxamuud Siilaanyo ayaa xilkii uu qaranka u hayay ka xayuubiyay Badhasaab ku Xigeenkii Gobolka Hawd Warsame Faarax.

Inkastoo aan warbaahinta la soo gaadhsiinin, haddana waxa ay dad looga qaateen ahi u sheegeen shabakadda GaloolMedia in xilkii laga xayuubiyay Warsame Faarax Soomaali oo muddooyinkii ugu dambeeyay ahaa badhasaab Xigeenka Gobolka Hawd.

Madaxweynaha ayaa markiiba magacaabay bedelkiisii, lamana garanayo sababta uu wakhtigan madaxweynaha somaliland xilka uga xayuubiyay Warsame Faarax oo kasoo jeeda degmada Sallaxley.

Sidoo kale Masuulka uu Madaxwayne siilaanyo u magacaabay buuxinta jagadaasi ayaa waxa uu ka soo jeedaa deegaanka loo yaqaan Bali-Cabane  oo dhinca galbeed kaga beegan magaalada Balli-gubadle isla  markaana ka tirsan gobolka Hawd.