Madaxweyne ku-xigeenka Somaliland oo taageeray Musharax Ciro

Hargeysa November 10, 2024(QJ)-Madaxweyne ku xigeenka Somaliland, Cabdiraxmaan Cabdilaahi Ismaaciil Saylici, ayaa shacabka ugu baaqay inay u codeeyaan xisbiga Waddani iyo ururada kale ee isbedel doonka ah.

Saylici oo muddo ka badan 14 sano ahaa madaxweyne ku xigeen ayaa shir jaraa’id oo ay wada jir u qabteen musharax Cirro ku taageeray isbedel doonka. Waxa uu sheegay in Madaxweynaha uu ka baxay balamo uu sameeyay 7 sano ka hor.

“Madaxweyne Muuse laguma aamini karo hoggaanka dalka mar dambe; wuu jabiyay dhaartii uu qaranka u maray. Danta Somaliland waxay ku jirtaa baaqa isbedel doonka ah,” ayuu yidhi Saylici.

Sidoo kale, Saylici ayaa sidoo kale dhawaan muujiyay taageerada ururka Barwaaqo ee ka soo jeeda gobolka Awdal, isagoo ka soo horjeeda ururka Hilaac oo u janjeera dhinaca xisbiga Kulmiye.

Murrashax Cabdiraxmaan Maxamed Cabdillaahi Cirro, ayaa soo dhaweeyey taageerada Saylici, waxaanu shacabka ugu baaqay inay taageeraan xisbiga Waddani iyo ururrada ay bah-wadaagta yihiin.

Murrashax Cirro ayaa taageero joogto ah ka helaya siyaasiyiin, ganacsato iyo dad magac ku leh Somaliland, iyadoo la filayo inuu ku guulaysto doorashada 13 November.