Madaxweyne ku xigeenka Somaliland oo Shahaadooyin Gudoonsiiyay 10 Arday oo Digriigii labaad ka qaatay Jaamacada Hope

Hargaysa 24.March (SDN) Madaxweyne ku xigeenka Jamhuriyada Somaliland M Mud,C/raxmaan C/llahi Ismaaciil Saylici ,ahna Ku simaha Madaxweynaha JSLand  ayaa maanta  Shahaadooyin Gudoonsiiyey  Toban arday oo ka qalin jebiyey  Degriiga  labaad  Jaamacadda Hope ee magaalada Hargeysa.

Xaflada ardayda lagu Gudoonsiinayey shahaadooyinka oo lagu qabtay huteel Maan-soor ee magaalada Hargaysa,ayaa waxa ka soo qayb galay wasiirka wasaaradda dhalinyarada iyo ciyaaraha,Agaasimaha Guud ee Tac-liinta sare  ee wasaarada wax-barashada, madaxda Jaamacada Hope ,xildhibaano masuuliyiin iyo marti sharaf kale, Madaxweyne  ku-xigeenka oohalkaasi ka hadlay ayaa waxa uu sharax ka bixiyey  faa’iidada wax-barashadu leedahay,waxaanuu halkaasi dardaaran dhinaca  wax-barashada ku saabsan  uga soo jeediyey  ardayda Jaamacada ka qalin jebiyey  iyo maamulka Jaamacadda.

Madaxweyne ku xigeenka  ka hor Gudoomiyaha Jamacadda Hope Nagiib sh.C/raxmaan,oo halkaas ka hadlay  ayaa ka warbixiyay sooyaalkii ay jaamacadu soo martay, waxaanuu xusay in ardayda maanta shahaadooyinka la siinayaa ay yihiin duf-cadii labaad ee jaamacada ka qalin jebiya ee dhamaysta degree-ga labaad ee jaamacada,jaamacada oo ay iska kaashadeen Jaamacada Kambala University ee Wadanka Yugaandha. Waxa kale oo isna halkaa ka hadlay  wasiirka wasaarada dhalinyarada  iyo ciyaaraha  md. Cabdi siciid Reygal, waxaanuu bogaadiyey ardayda  jaamacada  ka qalin jebiyey iyo maamulka  iyo macalimiinta jaamacada ee dedaalka weyn u galay sidii ay u soo saari lahaayeen arday aqoon  fiican leh. Agaasimaha Guud ee Taclinta sare md. khadar  Axmed Diiriye oo isna halkaa kahadlay ayaa   ka waramay   dedaalka dhinaca wax-barashada laga galay ee dalka, waxaanuu ku lmaamay in ay maanta u fududaatay ardayda inay dalkooda gudihiisa ku qaatay  shahaadada dwegree-ga labaad ee Jaamacadda.

Hargaysa SDN.

qurbejoog@gmail.com