Madaxweyne Gabadh La Dhalatay U Raadinaya Nin Uu U Guuriyo Iyo Sida Loogu Tartamayo !

K.Waqooyi 28. March 2017 (SDN/QJ):- Madaxweynaha Dalka K.waqooyi ayaa ku caan baxay go’aamadda aadka u layaabka badan ee uu ku tallaabsado oo haatan ku dhaqaaqay arrin lala fajacay oo ah inuu gabadh la dhalatay oo magaceeda la yidhaahdo Kim Yu-jong oo da’deedu tahay 29 jir uu u raadinayo nin guursada.

Sidoo kale waxa arrin aad u layaab badan noqotay in ku dhawaad 30 nin ay u tartamayaan guurka gabadha la dhalatay Madaxwayne kim, arrintan ayaa shabakada wararka ee Haffington Post oo Wargeyska Himilo soo tarjumay ay ku macnaysay inay la mid tahay Barnaamij ka soo gala T.v-ga loo yaqaan ITV 30, kaasi oo 30 dhallinyaro ahi ay ugu tartamayaan sidii ay ugu guuleysan lahaayeen guurka hal gabadh oo qudha, balse tartanka uu soo diyaariyay Kim waxa uu noqon mid ka duwan barnaamijkaasi, waayo, cidda la guursanayaa waa gabadha la dhalatay Ninka ugu muhiimsan Dalka K.waqooyi.