Madaxweyne Farmaajo oo Warqadaha Aqoonsiga ka Guddoomay Danjire Qin Jian oo Shiinaha u Fadhiyay Muqdisho SAWIRO

Muqdisho 16. April 2017 (SDN/QJ):- Madaxwaynaha dowladda Soomaaliya Mudane Maxamed Cabdullaahi Farmaajo ayaa warqaddaha aqoonsiga safiirnimo ka gudoomay Safiirka dowladda Shiinaha u fadhiisan doonna Soomaaliya.

Mudane Qin Jian ayaa dhowaan dowladda Shiinaha u soo magacowday Danjiraheeda Soomaaliya isagoo bedelay danjirihii hore.

Madaxweyne Farmaajo iyo danjire Qin Jian ayaa ka wada hadlay xiriirka soo jireenka ah ee ka dhexeeya labada dowladood ee Somalia & Shiinaha iyo sidii loo xoojin lahaa.

Farmaajo iyo danjire Qin Jian ayaa gebagebadii kulankaas isku dhaafsaday hadiyado kala duwan oo ka turjumaya dhaqanka labada dal, waxaana qabiladaas ay ku soo dhamaatay jawi aad wacan.