Madaxweyne Farmaajo oo Huteel Jasiira ee Muqdisho Ku Qaabilay Nin Hal Ku Dheg Ku Soo Kordhiyey Bulshada Somalida (Farmaajo ii Geeya) & Nooca Balan uu u Qaaday DAAWO

Muqdisho 13. February 2017 (SDN/QJ):- Madaxweynaha cusub ee Somalia Maxamed C/llaahi Farmaajo ayaa ku qaabilay hotelka Jasiira ee magaalada Muqdisho Ninkii ku caan baxay (Farmaajo ii geeya).

 

Wiillkan oo magaciisa la yiraahdo C/llaahi Max’uud Cusmaan oo loo yaqaano Daanyeerow ayaa maalmahan qabsaday baraha bulshada oo la soo dhigay video laga duubay habeenkii dabaaldega guusha Farmaajo isagoo dhex socda magaalada Jowhar, kuna qeylinaya (AR FARMAAJO II GEEYA).

 

Waxaa ka shaqeeyay kulankan qaar ka mid ah howlwadeenada ololaha doorashada u qaabilsanaa madaxweynaha la doortay ee Soomaaliya.

Madaxweyne Farmaajo ayaa kala sheekeystay wiilkan xaaladiisa, isagoo balan-qaadyo kala duwana u sameeyey, wuxuuna sheegay inuu ku faraxsan yahay la kulanka wiilkan ka mid ahaa shacabkii taageerada u muujiyey.

 

C/llaahi Max’uud Cusmaan ayaa waxaa wejigiisa ka muuqatay farxad fara badan xiligii uu la kulmayey madaxweynaha, waxaana uu sheegay inuu aad ula dhacsan sida madaxeynuhu u soo dhoweeyey, waxaana uu sheegay iney tahay maalintii ugu farxada badneyd noloshisa uusana iloobi doonin weligiis.