Madaxweyne Farmaajo oo Awaamiir Adag Siiyay Hogaanka Saadka ee Ciidamadda Xooga Dalka Somalia Kadib Kormeer uu Ku Tegay Xarunta Kaydka Raashinka Ciidamadda SAWIRO

Muqdisho 08. May 2017 (SDN/QJ):- Madaxweynaha Somalia Maxamed Cabdullaahi Farmaajo ayaa kormeeray hogaanka saadka ee ciidamada XDS gaar ahaan goobaha lagu keydiyo raashinka ciidamada.

Madaxweynaha ayaa kormeer ku sameeyey bakhaarada lagu keydiyo raashinka ciidamada dowladda, isagoo dhinaca kalena hubiyey tayada raashinkaasi.

Farmaajo Madaxweynaha JFS ayaa sidoo kale hubinayey in ciidamada dowladda ay helaan raashinka ay xaqa u leeyihiin.

“Waxaan kormeeray qaar ka mid ah keydadka raashinka ciidamada qalabka sida, si aan ugu kuur galo tayada cuntada askarta la siinayo, Waxaan hoggaanka saadka faray inay si hufan raashinka u gaarsiiyaan ciidamada & qoysaskooda” ayuu bartiisa Twitterka ku soo qoray Madaxweynaha.