Madaxweyne Donad Trump oo Qiray in aanu Moodayn inay Sidan u adag tahay Shaqada Madaxweyne ee uu Loolanka u Galay

Washington 04. May 2017 (SDN/QJ):- Madaxweynaha Dalka Maraykanka Donald Trump ayaa sheegay inuu moodayay in madaxweynenimadu ay ka fududatay sida ay hadda tahay, hadalkan ayuu ku sheegay waraysi uu bixiyey kaasoo lagu beegay markii uu xafiiska hayay boqol maalmood.

Mdaxweyne Trump oo  u waramayey Wakaaladda wararka ee Reuters waxa uu yidhi”Noloshaydii hore aad baan u jeclaa, Waxyaabo badan ayaanaan  isku waday waxaanan is lahaa tan baa ka fudud.”

 

Intii uu waraysigu socday waxa kale oo uu Madaxweyne Trump sheegay, in xogtiisa gaarka ahi aanay qarsoonayn hadda marka loo eego markii uu ahaa ganacsadaha, waxaanu yidhi:”qof shebeg yar ku jira ayaad noqonaysaa, sababtoo ah ilaalo xaddhaaf ah ayaa jirta dhab ahaana meelna ma tegi kartid,” sidoo kale wuxuu sheegay in uu u xiisay in uu gaadhiga gacantiisa ku wato.