“Madaxweynaheenu waa Mujaahid, Guddoomiyaha KULMIYE-na Waa Mujaahid,markaa waxaan ka codsan lahaa inay Nabadgalyadda ilaaliyaan” Gudoomiye Cirro DAAWO

Hargeysa 2, February,2015(SDN/QJ):- Guddoomiyaha Xisbiga WADDANI Cabdiraxmaan Maxamed Cabdilaahi (Cabdiraxmaan-Cirro), ayaa Xuska 22-guuradii ka soo wareegtay hubka dhigistii ugu horeysay ee Ciidamadii SNM ee Guutadii SANCAANI inay tahay maalinta ugu qiimaha baddan Gobanimadii kadib, isla markaana waxa uu ugu baaqay Madaxweyne Siilaanyo Iyo Guddoomiye Muuse Biixi inay ilaaliyaan babadgelyada.

Sidaa waxa Cabdiraxmaan-Cirro ku sheegay mar uu ka hadlayay Xaflad Shalay lagu xusayay Xuska maalintaasi.
Guddoomiyaha Xisbiga WADDANI Cabdiraxmaan Maxamed Cabdilaahi (Cabdiraxmaan-Cirro), oo ka hadlayay qiimaha ay leedahay Hubka dhigistii ugu horeysay ee Guutadii SNM, waxa uu yidhi“Munaasibadan weyn ee aynu joognay, ee aynu xusayno waxaan la qabaa Mujaahid Cali Gurey inay tahay gobanimadeeni kadib maalinta ugu qiimaha baddan”