Madaxweynaha Soomaaliya Walaalkii Oo ku Geeriyooday Magaalada Nairobi laguna Aasay (Daawo Sawirrada).

Nairobi,25Aug,2015(QJ/SDN)-Allaha u naxariistee waxaa maanta (Shalay) qubuuraha Langata ee magaalada Nairobi lagu aasay marxuun Cismaan Cilmi Cadaawe, oo isku hooyo ahaayeen Madaxweynaha Dowlada Soomaaliya Xasan Sheekh Maxamuud.

Marxuunka ayaa Magaalada Nairobi ugu geeriyooday xanuuno mudooyinkan hayay, waxaana aas maanta loo sameeyay kasoo qeyb galay Soomaali aad u badan ay ku jireen masuuliyiin katirsan Safaarada Soomaaliya iyo xubno siyaasiyiin ah.

Cismaan Cilmi Cadaawe, ayaa ahaa nin si weyn looga yaqaanay dalka Soomaaliya, waxa ayna walaalo dhinaca hooyada ahaayeen Madaxweynaha Soomaaliya Xasan Sheekh Maxamuud, waxaana marxuunka mudooyinkii dambe ku jiray isbitaal kuyaala Nairobi uu ugu dambeyn ku geeriyooday.