Madaxweynaha Maamul Goboleedka Punt Land iyo Wefti uu Hogaaminayo oo Gaadhay Magaalada Jig Jiga iyo Ujeedada Socdaalkooda

Garowe 06.Dec 2013 (SDN)- Madaxweynaha maamulka Puntland Cabdiraxmaan Maxamed Faroole iyo wafdi uu hoggaaminayo  ayaa ka qayb-galaya xuska qowmiyadaha dalka Ethiopia oo 9-ka bishan ka billaabanaya magaalada Jigjiga ee dalka Ethiopia.

Madaxweyne Faroole oo maanta ka dhoofay  garoonka diyaaradaha magaalada Garoowe ayaa sheegay in safarka uu ku tagayo Jigjiga uu yahay  mid horay loo qorsheeyey, isla markaana uu halkaas kulamo kula qaadan doono madaxda dalka Ethiopia.

Madax Afrikaan ah ayaa sidoo kale lagu warramayaa inay ka qayb-gali doonaan xuska.

Amniga magaalada uu xuska ka dhacayo ee Jigjiga oo ah xarunta dowladda deegaanka Soomaalida ayaa lagu soo warramayaa in aad loo adkeeyay.

Garowe SDN.

Qurbejoog.com