Madaxweynaha Kuuriyada Waqooyi Kim Jong Un Maxuu ka yidhi Guusha Tijaabinta Gantaalka Balaastikada ah?

K.Waqooyi 06. July 2017 (SDN/QJ):- Madaxweynaha Kuuriya oo ka hadlay Guusha Tijaabinta cusub ee Gantaalka Ridada fog.

Madaxweynaha Kuuriyada Waqooyi Kim Jong Un ayaa ku sifeeyey gantaalka cusub ee qaaradaha isaga goosha ee nooca Balastikada ah ee ay ku guulaysteen tijaabintiisa inuu yahay hadiyad ay ugu talogaleen Dalka Maraykanka oo ku jira munaasabadii dabaaldega xornimadooda.

Wakaalada wararka ee Kuuriyada waqooyi ayaa baahisay in Madaxweyne Kin Jong Un uu isaga laftiisu maaraynayey hawsha tijaabinta gantaalka, isla markaana uu sheegay in Maraykanku aanay u bogaynin hadiyadan ay u direen.waxana isaga oo aad u qoslaya uu intaa ku daray inay lama huraan tahay in Maraykanka loo diro hadiyado faro badan si ay isaga khafiifiyaan mashaakilka iyo murugada haysata, sida uu Madaxweynahu hadalkiisa u dhigay.