Madaxweynaha Gal Mudug Xaaf oo Ciidamo gaar ah kala soo degay Garoonka Aadan Cadde

Muqdisho 06. May 2017 (SDN/QJ):- Waxaa shalay garoonka Diyaaradaha Aadan Cadde ee magaalada Muqdisho kasoo degay Madaxweynaha cusub maamulka Galmudug Axmed Ducaale Geele (Xaaf) oo maalmo kahor lagu doortay magaalada Cadaado.

Madaxweyne Xaaf ayaa markii uu kasoo degayay garoonka Diyaaradaha Aadan Cadde waxa uu watay diyaarad gaar ah oo kasoo qaaday magaalada Cadaado, waxaana diyaarada dhinac ka saarnaa ciidamo gaar ah oo ilaalo u ah Madxaweryne Xaaf kuwaa oo ku hubeesnaa hubka fudud.

Madaxweynihii hore ee maamulka Galmudug iyo qaar kale oo kamid ah Madaxda Maamul goboleedyada dalka ayaa inta badan looga baran in ay soo wataan ciidamo gaar ah oo ilaaliya kuwaa oo diyaaradaha soo raaca.

Cabdiweli Gaas Madaxweynaha Puntland ayaa inta badan looga bartay marka uu imaanayo magaalada Muqdisho in ay horey diyaarada ula soo raacaan ilaalo gaar ah oo hubkooda wata , waxa uuna Gaas muujinayay in uusan kalsooni badan ku qabin ciidanka dowlada ee ilaaliyada Madaxda.