Madasha Daahfurka Ciyaaraha OLambikada Oo Ka Dhacday Magaalada Rio De Janeero ee Dalka Brazil

Rio de Janeiro 06.Aug 2016 (SDN/QJ):- Waxaa garoonka Maracana ee magaaladda Rio de Janeiro, Brazil ka dhacday xafladda furitaanka ciyaaraha sanadkan ee olimbiga.

Waxaa munaasabadda lagu soo bandhigay dhaqanka dalkaasi iyo sida ay u kala duwan yihiin qowmiyadihiisa.

In ka badan 200 oo dal ayaa ka qeyb qaadanaya ciyaarahan

Ciyaartooy matalaysa in ka badan laba boqol oo dal ayaa hor maraya dadka garoonka ku sugan.

Qaban qaabiyayaasha ciyaarahan ayaa rajeynaya in tartamada ay sare u qaadi doonaan dareenka dalkan wajahaya dhaqaale xumida iyo xiisadda siyaasadeed.

Inkastoo ay ka tiro badnaayeen dadka ciyaaraha ku faraxsan, ayaa haddana waxaa dibedbaxyo sameeyay dad ka caraysan kharashka lagu bixiyay martigelinta ciyaarahan.

Waxaa ammaanka guud ahaan Rio sugaya kumannaan ciidan ah, iyadoo qiyaastii 25-kii mitirba lagu arkayo askari ku sugan.