Macalin Iskuul oo Feedh Kaga adkaaday Ninka haysta Horyaalka Feedhka Adduunka !! SAWIRO

Australia 04. July 2017 (SDN/QJ):- Jeff Horn oo u dhashay dalka Australia horeyna u ahaa macalin Iskuul ayaa taariikh lama ilaabaan ah u dhigay ninka haysta horyaalka feedhka adduunka Manny Pacquiao oo u dhashay dalka Filipiin.

 

Ninkan u dhashay dalka Australia ayaa feedh dhulka la dhigay kagana adkaada ninka taariikhda aduunka galay ee Manny Pacquiao, kadib markii tartan feedh ah kaga guuleesay dhibco wareegii 12 aad .

 

Jeff Horn oo 29-sano jir ah ayaa la wareegay taajkii horyaalka feedhka aduunka ee WBO, dad badan ayaaana filan waa ku noqotay in laga guuleestay Manny Pacquiao oo kamid ah feedhahanada ugu khatarsan qarnigan dunida.

 

Tartankan feedhka ah ay daawanayeen dad ka badan 50-kun oo qof oo taageerayaaal ah ayaa inta uusan bilaaban waxaa guusha loo saadaalinayay Feedhyahanka Manny Pacquiao oo dunida caan ka noqda si weyna feedhka loogu qadariyo.

 

Ninka ku guuleestay tartanka feedhka ah ee horey macalinka Iskuul u ahaan jiray ayaa si weyn u qabsaday saxaafada Dunida, waxaana ninkan la sheegay in abaal marin ahaan uu u heli doono lacag dhan 500,000 doolar.