Maayarka ku Xigeenka Berbera oo Shacabka Magaaladaas ugu baaqay Bixinta Cashuuraha

Berbera 14March (SDN) Ku xigeenka Maayerka magaalada  Berbera ee Gobolka Saaxil Mud, Baashe cabdillahi, ayaa  ugu baaqay Bulshada  gobolka saaxil inay  u guntadaan sidii ay uga qayb qaadan lahaayeen howlaha haruumarineed ee gobolka,iskana xilsaaraan  hab-simi u bixinta cashuuraha kala duwan ee ku  waajibay oo laf-dhabar u ah  kob-cinta  dhaqaalaha gobolka iyo Guud ahaan dalka.

Maayer-ku- xigeenka  Berbera Mudane Baashe cabdillahi yac-quub ,oo u waramayey Shabakada Wararka ee Qurbejoog.com , waxa uu sheegay in mudadii  koob-nayd ee golahooda degaanku   maamulka  hayeen, ay wax-badan ka qabteen adeegyada bulshada , ee dhinac-yada wadooyinka iyo fayo dhowrka guud, todobaad kastana ay qaadaan  olole nadaafadeed oo xashiishka lagaga  nadiifiyo magaalada.waxaanuu  xusay inay ka go’an tahay inay fuliyaan balan-qaadyadii ay u qaadeen  shacabka  waq-tigii ololahii doorashada lagu jiray.

Mud,Baashe C/llahi yac-quub, waxa uu sheegay, in ay joojiyeen  dhul-bixintii  magaalada ilaa inta ay ka dhamays tirayaan wixii qabyo ah ee la xidhiidha   dhul bixinta,  oo uu sheegay in si dhakhso ah  loo dhamaystiridoono.

Ku xigeenka Maayerka  magaalada Berbera waxa kale oo uu sheegay in dhawaan  ay dhagax-dhigeen  dhismayaal lagu  kordhinayo xarunta dawladda hoose ee berbera,  ka dib markii la arkay baahi dhinaca xafiisyada xarunta ah kuwaas oo uu sheegay in  dhawaan lagu hawlgeli doono.

Berbera SDN.

qurbejoog@gmail.com