Maayarka Caasimada oo Kormeer ku tagay Kawaanka Gawraca Xoolaha

Hargaysa 16.April.(SDN) Duqa Caasimada Hargaysa C.raxmaan Maxamud Caydiid oo ay Weheliyaan Xubno ka tirsan Golaha Deegaanka ayaa maanta kormeer ku soo maray Kawaanka Gawraca Xoolaha ee Caasimada Hargaysa .

Maayarka iyo Xubnaha ku Wehelinayay Kormeerkani waxay soo indho indheeyeen hanaanka uu u shaqeeyo Kawaanku iyagoo warbixin ka dhagaystay maamulka Kawaanka .

Duqa Caasimada Hargaysa C.raxmaan Maxamud Caydiid oo kormeerka kadib u waramayay Warbaahinta ayaa sheegay in dareerayaasha ka yimaada Kawaanka ee lagu Shubo Naasa Hablood ay ka iman karto Xaalad Caafimaad,Maadama uu raacayo Sida uu Xusay Dooxooyinka iyo meelaha Biyo Mareenada ah isla markaana Saamayn ku yeelan kara nolosha dadka.

Maayarku waxaa kale oo uu iftiimiyay in Buuraha Naasa hablood ay Yihiin astaan u taagan dawlada hoose taas darteedna ay joojinayaan in Wax Qashin ah lagu qubo.

Kormeerkan ayaa noqonaya kii kowaad ee maayarka Cusub ee caasimadu ku tago Kawaanka Caasimada intii ka danbayasay doorashadiisa .

Hargaysa SDN.

qurbejoog.com