Maalintii saddexaad Oo La isku Dhex Fadhiyo Westgate Iyo Warar dheeraad ah

Nairobi:23-Sep-2013(SDN)-Waxa Maalintii saddexaad sii socota Gacan-ku-hayntii Dablayda Hubaysani ee Xarunta Westgate, waxana LA sheegayaa in hawlgalku meel fiican marayo.

 Kooxdan ayaa la sheegayaa inay haatan ku sugan yihiin Dabaqa Afraad ee xaruntan, waxana saaka la maqlayaa rasaas kala duwan oo ay is weydaarsanayaa Ciidanka ammaanka iyo kooxaha hubaysani.

 

Saraakiisha ciidanka Booliiska dalka Kenya ayaa sheegaya in howlgalka Westgate uu marayo heer gabo gabo ah, maadaama ciidanka Booliiska ay miisaan culus oo weerar ah ay saareen kooxaha dableyda ah ee haysta xarunta Westgate.

 

Tirada dhimashada dadka ayaa sii korodhay waxaana Dowladda Kenya ay shaacisay in dhimashada ay hada mareyso ku dhawaad 69-ruux, halka dhaawaca ay aad usii kordhayaan.

 

Xaalada westgate ayaa weli cakiran, waxaana la maqlayaa rasaasta labada dhinac ay isweydaarsanayaan.

 

Weli waxaa la aaminsan yahay in raga hubaysan ay gacanta ku hayaan dad rayid ah oo kamid ahaa dadkii suuqa Westgate ka dukaameysanaye oo weli gacanta ay ku hayaan.

 

Booliiska dalka Kenya ayaa ku dadaalaya sidii ay ugeli lahaayeen qeybta ay ku jiraan raga hubaysan ee maamulaya qeybaha sare ee dabaqa Westgate.

 

Somalidiasporanews.com

Contact@somalidiasporanews.com