Maalinta Ciidanka Boliska Soomaaliyeed Oo La Filayo In Si Weyn Waddanka Looga Xuso Maanta
Muqdisho:20-Dec-2013(SDN)-Waxa Maanta Oo Bishu Tahay La Filayaa In Dalka Laga Xuso Sanad-guuradii 74-aad ee Ka soo Wareegta Maalintii la Aasaasay Ciidanka Booliska Somaliyeed.
Qiimaha Maalintan darteed ayaa lagu wadaa in meelo kala duwan oo dalka ka mid ah lagu qabto munaasibado waaweyn oo maalintan lagu weynaynayo, iyadoo si weyn looga filayo meelaha ay xukuumaddu gacanta ku hayso in xusaskan lagu qabto.
Magaalada Muqdisho ee caasimadda munaasabd si heer sare ah loo soo agaasimay ayaa la filayaa in saacadaha soo socda ay ka dhacdo taasoo ay ka soo qeyb gali doonaan madax ka tirsan dolwadda halkaas hadalo ka soo jeedin doona.
Masuuliyiinta abaabulka munaasabaddaas wada waxaa kamid ah taliyaha ciidamada booliska dowladda Genecral C/xakiin Saciid Saacid iyo masuuliyiin kale oo taliska booliska ka tirsan, kuwaas oo ayaamahanba ku hawllanaa sidii munaasibad ballaadhan ciidanka loogu samayn lahaa.
Magaalada Baledweyne ee xarunta gobalka Hiiraan waxa hadda ka socda qaban-qaabo loogu diyaar-garoobayo in munaasabddaas l;agu qabto halkaasi.
Wixii dhaqdhaqaaq ah eek a soo kordha munaasibaddan iyo khudbadaha laga jeediyo wararkayaga dambe ayaanu idiinku soo gudbin doonaa.
S.D.N