Maali: Magaalada Bamako Dablay Hotel Caan Ah 170 Ku Qabsatay iyo Hawlgalka Ciidamada Oo Socda

Bamako,20Nov,2015(QJ/SDN)-Dablay hubaysan ayaa  qabsatay Hotel caan ah oo ku yaala badhtamaha caasimada Mali ee Bamako. Dablayda oo ku dhawaaqaysa “Allahu Akbar” ayaa galay hotelka galinkii hore ee Jimcaha, iyagoo laayay dhammaan ilaalada Hotelka.

Goob joogeyaal ayaa saxaafadda u sheegay in ragga oo baabuur taarikada safaaradda leh wataa soo galeen hotelka Radisson Blu Hotel kadibna rasaas fureen. Waxay sidaasi kula wareegeen hotelka oo mulkiilihiisu sheegay inay gacanta ku dhigeen 140 oo hotelka ku sugnaa iyo 30 shaqaalaha hotelka ah.

Ciidamada Mali oo hotelka isku xeeray ayaa la sheegayaa inay hotelka galeen islamarkaana noocyada rasaasta laga maqlayo hotelka gudihiisa. Lama oga tirada dhabta ah ee dablayda weerarka gaysatay, balse qiyaas ah 10 ayaa lagu waramayaa inay ilaa dabaqa 7-aad rasaas ka soo ridayaan.

Ilaa hadda lama oga cidda weerarka ka dambeysa balse goobgoogeyaal ayaa sxaafadda u sheegay in ugu yaraan dhawr qof dablaydu soo daysay kadib markii ay garteen Aayado Qur’aanka Kariimka ah oo ay garteen.

Inta la ogyahay Dadka la haysteyaasha ah waxaa ka mid ah 20 Hindiya u dhashay, 7 Chiness ah, shaqaale diyaaradeed oo Turki ah iyo muwaadiniin Faransiis ah.