M.Weyne Faroole oo Hambalyo u diray Shacabkiisa,Kana Hadlay sida looga bixi karo dhibka taagan

Garowe 08.Aug (SDN) Madaxweynaha Dowlada Puntland Dr.Cabdiraxman Maxamed Maxamuud Farole ayaa hanbalyo u direy dhamaan umadda Soomaaliyeed iyo kuwa Puntland oo ku aadan Munaasabada Ciida.

“Ciid Mubaarak…Ciid Mubaarak” ayuu madaxweynuhu yiri Mar uu Xalay  uu la hadlayey warbaahinta gudaha Puntland ka hawlgasha, waxan uu Alle uga baryey in Soonkii bisha barakeysan dhamaan ka aqbalo iyo sanadkan sanadkiisa oo barwaaqo lagu gaaro.

Gobollada Nugaal, Mudug iyo Sanaag ayuu sheegay madaxweynuhu in laga arkay bisha galabta, islamarkaasina ay latashi la sameeyeen wasaarada cadaalada Puntland iyo Culimaa’udiinka.

Sidoo kale madaxweynaha Puntland ayaa xusey in dalka qaybo ka mid ah ay ka jiraan dhibaatooyin loona baahanyahy in lagu xamdi naqo nabada iyo horumarka aan ku haysano Puntland, isagoona Somalida uga baryay Alle midnimo iyo nabadgelyo.

Garoowe SDN.

Qurbejoog.com