LIVE U DAAWO CIYAARTA SOOL VS SARAAR Iyo Natiijooyinkii Ciyaarihii Maanta Iyo Xulalka u Soo Baxay Wareega 2aad ee Tartanka Ciyaaraha

Burco, 13 Oct 2015 (SDN/QJ)-Xulalka Gobolada Hawd,Buuhoodle,Saaxil,Salal, Sool Iyo Saraar ayaa maanta wada yeeshay Ciyaaraha Tartanka Gobolada ee Ka Kala Socda Magaalooyinka Boorama iyo Burco.

Xulalka Hawd,Buuhoodle,Saaxil iyo Salal ayaa Gelinkii hore ee Maanta Ciyaaro adagi ku dhex mareen Garoonka Xaaji Daahir Cilmi ee Magaalada Boorama.

Xulalka goboladda saaxil iyo salal oo ku ciyaarayay  garoonka xaaji daahir cilmi ee magaaladda borama ayaa soo bandhigay ciyaar aad u heer saraysa taasoo labada  gobolba ay ku dadaalayeen sidii guulo u soo hoyn lahaayeen gobolada ay mataalyaan ciyaartaasi oo dhacaysay subaxnimadii maanta ayaa xulka gobolka salal ay la yimaadeen qeybtii hore ee ciyaarta hal gool, taasoo daqiiqado ka dib   markii goolaasi dhashay ay xulka gobolka saaxil ay la yimaaadeen goolkoodii bar baraha ahaa waxaanay ciyaartaasi gaba-gabadii ku soo dhamaatay 2  gool oo ay keensadeen xulka gobolka saaxil iyo hal gool oo ay la yimaadeen xulka gobolka salal waxaana sidaasi wareega labad ugu gudbay xulka gobolka saaxil.

Sidoo kale Ciyaar kale oo  qurux badan ayaa isla garoonka xaaji daahir cilmi ku dhex martay xulalka gobolada hawd iyo buuhoodle Taas oo ahayd Mid Xamaasad gaar ah wadatay Gunaanadkii Ciyaartaas ayaa ku soo afmeerantay Bar bar dhac hal iyo hal  taasoo ka dhigtay natiijada ciyaartaasi in xulka gobolka hawd uu u soo baxay wareega labaad ee ciyaaraha oo ka qabsoomi doona caasimada dalka ee haragaysa, waxaana ay sidaasi ku heleen afar dhibcood ay heleen intii wareeagaasi socday.

Dhinaca Kale Xulalka Gobolada Sool iyo Saraar ayaa Ku Kulmay Garoonka Alamse ee Magaalada Burco.

Labada Xul ayaa soo bandhigay hanaan Ciyaareed farsamadiisu sarayso oo Labada Xulba ku dadaalayeen inay Guusha la caraabaan, Hasa yeeshee Qaybtii hore ee Ciyaarta ayaa Kubad laga soo shaqeeyay Waxaa Shabaga Goolka Gobolka Saraar ku hubsaday Weerar yahanka Gobolka Sool.

Markii la isugu soo noqday Qaybtii labaad ee Ciyaarta ayaa labada Xul waxay Garoonka la soo galeen Weerar iyo Weerar Celis hasa yeeshee Xulka Gobolka Saraar Wax Gool ah may dhalin Waxayna Natiijadii Ciyaartu ku soo dhamaatay Hal Gool oo uu ku Guulaystay Xulka Gobolka Sool.

Iyadoo Maanta uu soo dhamaaday Wareegii Hore ee Tartanka Ciyaaraha Gobolada Somaliland Waxaa Magaaladda Boorama ku Kulmay Todoba Gobol Kuwaas oo kala ahaa Gobolka Martigeliyey Ciyaaraha Gobolada Galbeedka ee Awdal,Maroodi jeex,Gebilay,Hawd,Saaxil,Saraar Iyo Buuhoodle Waxaana Wareega Labaad ee lagu qaban doono Caasimada hargaysa ugu soo baxay Gobolada Awdal,Gebilay,Hawd Iyo Saaxil.

Dhinaca Kale Waxaa Magaalada Burco ku kulmay Gobolka Marti geliyey Ciyaaraha Gobolada Bariga Somaliland ee Togdheer,Sanaag,Sool, Saraar,Daad Madheedh,Badhan Iyo Xaysimo Waxaana u soo Gudbay Wareega labaad ee Ciyaaraha Gobolada Xulalka Xaysimo,Daad Madheedh, Sool,Sanaag.

Sidoo Kale Waxaad halkan ka Dhagaysan Kartaa Qaabka ay u socoto Ciyaarta u dhaxaysa Xulalka Gobolada Sool iyo Saraar.