Laascaanood: Ku Dhawaad 25Beerood Oo Dab La Qabadsiiyay Deegaanka Gacan-dar.

Gacantadar,24Aug,2015(QJ/SDN)-Wararka naga soo gaadhaya gobolka Sool gaar ahaan deegaanka gacan dar ayaa sheegaya in 22kii bishan ku dhawaad 25beerood dab la qabadsiiyay, beerahan oo isugu  jira beero daaqsimeed iyo kuwo laga beero noocyada kal duwan ee dalagyada. Waxaana wararku sheegayaan in maleeshiyo beeleed ay ka danbeeyeen arrintani.

Dadka deegaanka gacandar oo shabakadda Qurbejoog.com khadka telefoonka qaarkood kula soo xidhiidheen ayaa noo sheegay in guud ahaanba deegaanka gacandar uu faaruq yahay hadda ka dib markii dadkii halkaas deganaa ay iskaga yaaceen iyagoo naftooda uga cabsanaya in ay dhibi kasoo gaadho dadkaasi.

Isuduwaha Wasaaradda Beeraha Ee Gobolka sool oo aanu khadka telefoonka magaalada laascaanood kula xidhiidhnay ayaa sidoo kale warkan noo xaqiijiyay, balse faahfaahin intaasi ka badan ma bixin.

Isku soo wada duuboo xukuumadda Somaliland ayaan illaa hadda ka hadlin dhibaatada ka dhacday deegaankaasi gacandar.

Wixii warar ah ee kasoo kordha arrintaasi Halkan kala soco Insha Allaah.