Kulan lagu Shaacinayay Ganacsatada Ku Guulaysay Mashaariic Maalgashi oo Hargaysa lagu qabtay

Hargaysa 09.June (SDN) Wasiirka wasaarada Qorshaynta Qaranka  ahna  Gudoomiyaha  Gudiga  la tashiga mashruuca  Deeqaha ee  GAP Dr,Sacad Cali shire,ayaa  ka qayb galay  shir jaraa’id oo maanta  magaalada Hargaysa ay ku qabteen  Maamulka Maalgashiga  ee SBF oo  ay ku shaaciyeen ganacsatadii  ku guulaystay  deeqihii waaweynaa  ee wareegii kowaad   iyo bixinta 21 mashruuc  oo ka  mid ah  codsiyo hore loo soo gudbiyay.

ku simaha maamulaha maal-gelinta  SBF Mr,Jim Duncan,oo ugu horayn   shirkaa jaeraa’id ka hadlay, ayaa waxa uu ka waramay  mashaariicdii ku guulaysatay  deeqihii waaweynaa  ee wareegii kowaad.

Mr, Jim waxa kale oo  uu sharax ka bixiyey  deeqaha la siinayo  kow iyo labaatan  mashruuc oo  ka tirsanaa  saddex iyo afartan  Codsi oo  hore loo  xushay.kow iyo labaatankaas mashruuc oo la siin doono deeq dhan 2.5 milyan  oo dolar. waxaana Deeqahani ay dhalinayaan ay dhalinayaan abaabul maalgashi  cusub  oo gaadhaya 8.4 Milyanoo Dollar.

Waxa kale oo  isna halkaa ka hadlay  Wasiirka Wasaarada qorshaynta Qaranka ahna  Gudoomiyaha  Guddiga la  tashiga deeqaha Dr.Sacad Cali shire.  Waxaanuu wasiirku u mahad celiyey dalalka mashruucan  ka gacan gaysanaya iyo Baanka aduunka, waxana uu  xusay in mashaariicdani  ay faa’iidooyin badan leeyihiin oo ay ka mid yihiin, Shaqo abuur, maal gashi  iyo  ilo wax soo saar.

Maamulka Maalgelintu Waxa shirkaa jaraa’id  ay  ka sheegeen  guud ahaan marka laysku soo duubo  in 59 deeqaha  yar-yar ah  iyo 21Ka  deeqaha waaweyn ah oo gaadhaya 4.6 Milyan oo dollar in laga filaayo inay abuuraan shaqooyin cusub.

Hargaysa SDN.

Qurbejoog.com