Ku-simaha R/Wasaaraha oo ka tacsiyeeyey dilkii Aadan Xaaji oo ka tirsanaa Golaha Wakiilada Puntland
Muqdisho, April 19, 2015(SDN/QJ)-Ku-simaha Ra’iisul Wasaaraha ahna Wasiirka Dastuurka Xukuumadda Federaalka ee Soomaaliya mudane Xuseen Maxamuud Sh, Xuseen ayaa uga tacisyeeyey, Qoyskii, Eheladii,
Asxaabtii, iyo Golaha Wakilada Puntland, dilkii loo geystay Allaha u naxariistee Aaden Xaaji Xuseen oo ahaa xubin ka tirsan Xildhibaanada Baarlamaanka Puntland.
“Anigoo ku hadlaya Magaca Ra’iisul Wasaaraha Xukuumadda Federaalka Soomaaliya mudane Cumar Cabdirashid Cali Sharmarke, Magacayga, iyo kan Xukuumadda Waxaan ka tacsiyeeynayaa dilkii Xildhibaan Aaden Xaaji Xuseen oo shalay gacan ka xaq daran ku dishay magaalada Muqdisho.
Waxaan Illaah uga baryayaa in uu Jannadiisa ka waraabiyo, samir iyo iimaanna ka siiyo qoyskii iyo ehelkii uu ka tegay” ayuu yiri Ku-simaha Ra’iisul Wasaaraha.
Ku-simaha R/Wasaaraha ahna Wasiirka Dastuurka ayaa faray hay’adaha ammaanka qaranka in ay baaritaan buuxa ku sameeyaan falkan guuracan, isla-markaana caddaaladda la horkeeno dhagar-qabayaashii dilka ka
dameeyey.
SDN/QJ-Muqdisho