Kooxo Hubeysan Oo Wiil 12-sano jir ah Ka Afduubtay Magaalada Galkacyo ee gobolka Mudug

Galkacyo March 27 2013 (SDN)–Wararka ka imaanaya Magaalada Galkacyo ee Xarunta gobolka Mudug ayaa waxa ay sheegayaan in kooxo hubeysan ay afduub ka geysteen Magaaladaasi.

Dad goobjoogayaal ah ayaa sheegay in kooxahan hubeysan ay Wiil 12-sano jir ah ka afduubteen Magaalada Galkacyo kaasi oo xiliga la afduubadanay ku sii jeeday dugsi sida wararku sheegayaan.

Afduubka ay ka dhacay koofurta Magaalada Galkacyo oo uu ka taliyo Maamulka Galmudug waxaana la sheegayaa in wiilka la afduubtay loo qaatay dhulka miyiga ah ee ka agdhaw Magaalada Galkacyo.

Lama oga halka ay ka yimideen kooxaha afduubka geystay hase ahaatee maalmihii danbe ayaa waxaa Magaalada Galkacyo ku soo noqnoqnay afduubka loo geysanayo dadka rayid ah ee ku dhaqan Magaaladaasi.

SDN-Galkacyo