Kooxo Hubaysan Oo Gudaha U Galay Hutel Maka Al-mukarramah iyo Ciidamada Oo Isku Dayaya Inay Badbaadiyaan Rayidka Hutelka Ku Jira
Muqdisho:Mar,27,2015(SDN/QJ)-Qaraxyo kala dambeeyey oo Baabuur iyo dad isqarxiyeyba loo adeegsaday, ayaa lala beegsaay Hutel Maka al-mukaramah ee Magaalada Muqdisho, waxan Kooxo Hubaysan oo Al-shabaab Katirsan usuurtogashay inay Gudaha ugalaan Huteelka.
Wararka ilaa iyo haatan la hayo, ayaa sheegay raggii Hutelka gudaha u galay mid kamid ahi isqarxiyey, isla-markaana Geystay Khasaare laxaad leh.
Ciidamada Nabad sugidda,Booliska iyo kuwa AMISOM ayaa hada isku dayaaya inay gudaha u galaan Hoteelka inkastoo ay rasaas ka dhex socoto.
Ciidamada Gurmadka Qaranka Somalia oo muujinaayo dhabar adeyg ayaa u suuragashay inay gudaha kasoo saaran ilaa iyo Shan ruux oo la sheegay inay isugu jiraan dhimasho iyo dhaawac, waxaana jiro tiro intaa kasii badan oo gudaha ku jira islamarkaana aysan suuragaleynin in loo gurmado.
Waxaa Hotelka kusii qulqulaayo Saraakiil Ciidan oo iyagu iska kaashanaayo xeeladii lagu badbaadin lahaa dadka gudaha ugu jiro Hoteelka oo aan ilaa iyo hada wax war ah laga heyn.
Dhacdadan ayaa magaalada Muqdisho ka dhex sababtay inay dadku Guryahooda kasoo bixi waayaan, waxana Heegan sare la geliyey Ciidamada Ammaanka, iyadoo Baadhitaano bandanna la wado.
Wixii warar ah ee kasoo kordha arrintan iyo sida loola tacaalo kooxaha Hubaysan eek u guulaysgtay inay Hutelka Gudaha u galaan wararkayaga dambe kala socda.
SDN/QJ