Kooxda Khaatumo oo ku Tuntuunsatay Taleex iyo Jiidaheeda inaan la haysan iyo Talaabooyin kale oo Somaliland qaaday

Taleex 17.April 2014 (SDN)- Hogaamiyaha Kooxda Khaatumo State Mr Maxamed Yuusuf Jaamac Indho Sheel oo u Waramayay Warbaahinta Punt land ayaa ku Goodiyay inaanay Degmada Taleex iyo Nawaaxigeedu Noqon doonin Goob ay Somaliland Haysashadeeda Mahadiso,Isagoo Sheegay in Taleex ay tahay Hoygii Gumaysi la dirirka ee Daraawiish.

Waxa uu Hogaamiye Indho Sheel uu Xusay inay Wadaan Qorshe balaadhan oo dagaal kaas oo ay Gacanta Maamulkiisa ku soo Celinayaan Degmada Taleex iyo Jiidaha ay Xukunto.

Hanjabaada Indho Sheel ayaa lagu Macneeyay ka gal galasho Guul daro la soo Deristay Maamulkiisa oo lagu eedayno Fadhiidnimo.

Geesta kale Warar Xog ogaal ah ayaa Shabakada Qurbejoog u Xaqiijiyay in Ciidamada Qaranka ee Somaliland oo Saanad Milateri oo Culus ku Hubaysani inay Gaaf Wareegayeen Nawaaxiga Degmada Taleex Isla markaana ay Fadhiisimo hor leh ka Samaysteen Jiido ku taxan Degmadaas.

Dadka Rayidka ah ayaa labadii Habeen ee u danbeeyay ay Cabsi la soo Deristay iyagoo ka baqo qaba Weerar Hor leh oo Dhex mara Somaliland iyo Khaatumo.

Taleex SDN.

Contact@qurbejoog.com