Kooxaha Alshabaab Oo Xalay Gacanta Ku Dhigay Deegaano Muhiim ah

Afgoye:27-Feb-2014(SDN)-Wararka laga helaayo degmada Afgooye ayaa waxa ay sheegayaan in ciidamo ka tirsan kuwa Al-Shabaab ay sheegteen in ay la wareegeen gacan ku heynta deegaanka lagu magacaabo Mubaarak.

Al-Shabaab ayaa waxa ay sheegeen in deegaankan Mubaarak ay kula wareegeen dagaal isla markaana uu u dhaw yahay degmada Afgooye ee gobalka Sh/Hoose iyadoo illaa iyo hadda aanay ka hadlin maamulka Sh/Hoose.

Saraakiisha hogaamineysa Al-Shabaab ee deegaankaas la wareegtay ayaa waxa ay sheegeen in ay doonayaan in deegaano kale ay gacanta ku dhigaan oo dhaw deegaanka.

Halka ay qabsadeen Al-Shabaab ayaa la sheegay in uu yahay deegaan muhiim ah oo inta badan ay maraan ciidamada DF Somalia iyo kuwa AMISOM.

Qabsadan cusub ee Kooxda Alshabaab ayaa imanaysa xilli ay Dawladda Federalka Somalia ku Hawllan tahay inay Dabar goyso Kooxaha Alshabaab oo iyaga Qudhoodu Diyaar garow ugu jira inay Is Difaacaan

 

S.D.N