Khasaaraha Weerar Xalay Laga Fuliyey Saldhig Boolis Oo Ku Yaalla Gudaha Magaalada Boosaaso
Bosaso:Jan,11,2015(SDN/QJ)-Magaalo xeebeedda Boosaaso ee Deegaanka Puntland, waxa habeenkii xalay ka dhacay qaraxyo lagu qaaday xarun Boolis, waxana halkaas ka dhashay khasaare kala duwan.
Inta la Ogyahay weerarkaasi ayaa waxaa ku dhaawacmay ilaa Saddex ruux, waxaana la sheegayaa in halkaasi lagu weeraray laba Bam.
Qaraxyada oo ahaa bambooyin laga tuuray gacanta ayaa waxaa kamid ahaa dadka ku dhaawacmay askari boolis.
Sidoo kale, Dhaawaca Saddexda ruux ayaa la dhigay isbataalka guud ee degmada Boosaaso.
Saraakiisha amniga ee Boosaaso ayaan wali ka hadlin weerarka, lamana garanayo sababta iyo cidda ka dambaysay.
Dhanka kale, waxaa Rasaas xalay lagu furay dad fadhiyay makhaayad ku taalla isla boosaaso ayaa waxaa ku dhaawacantay laba qof.
SDN/QJ
Contact@somalidiasporanews.com