Keenya oo guulo ka sheegatay dagaalo ay la galeen Shabaabka
Nairobi Dec 07,2011(qurbejoog.com)-Afhayeen u hadlay ciidamada dawlada Kenya ayaa sheegay in dhawr iska hor imaad oo dhexmaray ciidamadooda iyo kuwa Al Shabaab in ay guulo ka gaareen.
Ciidamad aKenya ayaa qoraal ay shalay soo saareen waxa ay ku sheegeen in dhawaan ay dejiyeen dooni Shabaabku leeyahay oo soo weerartay markab kuwa ciidamada ah.
Doonta ayaa la sheegay in ay saaraayeen afar ka mid ah ciidamada Shabaabka.
Sidoo kale Kenya waxa ay sheegatay in ay maalmo ka hor duyuuradahooda dagaalku duqeeyeen labo xero oo ay Shabaabku lahaayeen oo ay halkaa ku dileen tiro meliishaad ah oo aan la cayimin.
Dagaal isna shalay dhexmaray ciidamada Kenya iyo kuwa df Soomaaliya oo isku dhan ah iyo meliishaadka Shabaabka ayay Kenya sheegtay in ay Shabaabka uga dishay 40 ka mid ah ciidamadooda.
Ciidamada dawlada KMG ah ayaa waxa dagaalkaa uga dhintay ilaa 11 askeri,halka dhaawaca 40 kalena Kenya loo duuliyaya.
Kenya ma sheegin cid iska horimaadyada wax uga noqotay.
Shabaabkuna kama hadal dagaaladan u danbeeyay iyo sida wax u dheceen toona.
Qurbejoog-Nairobi