Kampala oo Amniga si weyn loo xoojiyay,weerarkii Nairobi ka dib

Kampala Sept 23,2013(SDN)-Dawlada dalka Ugaandha ayaa ciidamo dheeri ah ku daadisay wadooyinka caasimada dalkaasi ka dib weerar ay sabtidii ku qaadeen kooxda Al Shabaab magaalada Nairobi.

Ugaandha ayaa waxa hore ugu goodiyay kooxda Al Shabaab oo ka soo horjeeda joogida ciidamadooda dalka Soomaaliya.

Dawlada ayaan weli ka hadal sababta ay ciidamada ugu soo daadiyeen wadooyinka caasimada.

Sidoo kale waxa aaney ka hadal in ay jiraan xogo muujinaya in Shabaabku qorsheynayaan in ay weeraraan Kampala.

Shabaabka ayaa hore qaraxyo waaweyn oo dad badani ku dhinteen ka fuliyay Kampala.

SDN-Kampala
contact@somalidiasporanews.com