Isu Duwaha Gobolka Togdheer oo furay Bali lagu Kaydiyo Biyaha Roobka

Burco 02.July 2014 (SDN/QJ)- Isku duwaha wasaaradda macdanta iyo biyaha  gobolka Togdheer ayaa furay baliga lugu kaydiyo biyaha roobka oo laga hirgaliyey deegaanka Waraabeeye ee   gobolka Togdheer.

Baligan ayaa waxaa hirgalisey hay’adda Caritas, waana tii 4aad oo ay hay’addu ka hirgalisey gobollada Togdheer iyo Sool, sida uu sheegay Maxamed Yuusuf  Kenyaati oo kamid ah hawl-wadeennada hay’adda.

Maxamed Yuusuf ayaa intaas ku daray inay maamulka warta ku warejin doonaan  dad loo tababaray ilaalinta iyo maamulkeeda.

Isu duwaha wasaaradda macdanta iyo biyaha  gobolka Togdheer, Cabdirashiid Faarax ayaa sheegay in ay wartu wax ka dabooli doonto baahida dhinaca biyaha ee deegaanka, wuxuuna u mahadceliyey hay’adda hirgalisay.

Burco SDN/QJ

contact@qurbejoog.com