Isbahaysiga Maraykanka oo Xaqiijiyey inuu Nool yahay Hogaamiyihii Ururka Daacish & Halka uu ku Sugan yahay

Baghdad 03. September 2017 (SDN/QJ):-Taliyaha ciidamada Isbahaysiga mulatariga ee maraykanku hogaamiyo ee ka dagaalama ciraaq iyo suuriya Jenaral Istiifan Tawsan ayaa ku dhawaaqay in uu nool yahay madaxii ciidaamda Daacishka Mr: Abu Bakar Al-Baqdaadi, taas oo uu ku sheegay in uu ku dhuumanayo dooxada wabiga Furaat ee dalka Ciraaq.

 

Jeneral Istiifan Tawsan waxa uu intaasi raaciyey in xogtan uu ka helay sirdoonka gaarka ah ee dalka maraykanka, iyagoo baadhitaankooda ku xusay in Mr: Abu Bakar Al-Baqdaadi uu magaciisii bedelay ilaa imikana aan la cadayn magaca uu ku bedeshay.

Jeneral Istiifan waxa uu hadalkiisa ku khatimay in Mr: Baqdaadi uu wali nool yahay, hase ahaatee lagu hawla jiro sidii loo dili lahaa amba loo qaban lahaa, isagoo meesha ka saaray warbixintii Ruushka ee sheegaysay in duqeyn cirka ah ay ku dileen Mr: Al-Baqdaadi.