Hooyadii Ugu Da’da Yareyd Dunida Oo Ilmo Dhashay Iyada Oo Shan Jir Ah !

Peru 17. February 2017 (SDN/QJ):-Dhacdo aad u layaab badan ayaa ka dhacday Dalka Peru, kadib markii ay gabadh yar oo la odhan jiray Lina ay uur qaaday, iyada oo da’deedu tahay shan jir, balse waalidka dhalay gabadhan oo had iyo jeer ku noqnoqon jiray Dhakhtarka si ay u ogaadaan waxa gabadhan haya, taasoo ay ku sheegeen inuu yahay barrar ka soo gaadhay caloosha, waxaana muddo kadib dhakhaatiirtu ogaadeen inay Liina leedahay uur toddoba bilood ah.

Lina, waxay dhalatay sanadkii 1933kii waxaanay arrinteedu noqotay arrin mucjiso ah oo dhawaan lagu soo bandhigay jarriidada The Sun oo Wargeyska Himilo tarjumay, waxaanay sheegeen in dhakhaatiirtii galay qalliinkii ay ilmaha yar ku dhashay Lina inay leedahay arrin aan hore loo arag oo ah in ay la kulantay Qaangaadh degdeg ah oo aan ahayn xaalad caadiya, dhinaca kale waalidkii dhalay liina ayaa xabsiga loo taxaabay kadib markii ay wax cadayn ah u waayeen sababta ay gabadhan yari u qaaday uurka.