Hawkgal lagu laayay Al Shabaab badan oo ka dhacay Gobolka Shabeelle Hoose

Muqdisho July 04, 2024(QJ) -Howlgal ay sameeyeen ciidamada xoogga dalka ayaa lagu dilay in ka badan 10 ka tirsan Al-Shabaab, tiro kalana waa lagu dhaawacay, sida uu sheegay Afhayeenka Wasaaradda Gaashaandhigga Sheekh Abuukar Maxamed Xasan oo ku sugan jiida hore ee dagaalka ee Gobolka Shabeelle Hoose.

Howlgalka ayaa waxa uu sigaar ah kaga dhacay deegaanka Nuur-Gare oo ku dhow deegaanka Bariire ee gobolka Shabeellaha Hoose,halkaasi oo ay ka socdaan howlgallo ka dhan ah Al-Shabaab oo laga sameeyay deegaano fog fog.

Maalin ka hor ayay aheyd markii Ciidamada Xoogga dalka ay gacanta ku dhigeen shaqsiyaad lagu eedeeyay in ay ka tirsan yihiin Al-Shabaab, kuwaasi oo weerar gaadmo ah ku qaaday ku dhawaad ​​20 gaari, oo ay ka qaateen lacago madax furasho ah. Sidoo kale, dad badan ayaa lagu soo qabtay howlgallada ka socda Shabeellaha Hoose, sida uu sheegay Afhayeenka Wasaaradda Gaashaandhigga.

Ciidamada dowladda ayaa kordhiyay howlgallada ka dhanka ah Al-Shabaab ee ka socda gobolka Shabeellaha Hoose.